Манай орны нутаг дэвсгэрийн 80 хувь нь цасан бүрхүүлд хучигдаж, агаарын дундаж температур 32-40 градус хүртэл хүйтэрч, 19 аймгийн 198 сум зудтай, гамшгийн нөхцөл байдал үүсээд байна.

Монгол Улсын Засгийн газар, Улсын Онцгой комиссоос дэс дараатай арга хэмжээ авч байгаа боловч цаашид хүйтний эрч эрс чангарч, өвөлжилт улам бүр хүндрэх төлөвтэй байна.

Хөдөө орон нутагт мал их хэмжээгээр хорогдож, цас зуд, отор нүүдлийн улмаас малчид туйлдан зүдэрч, эрүүл мэнд, амьжиргааны нөхцөл байдал нь хүндрэн, байгалийн давагдашгүй хүчин зүйлийн өмнө хүчин мөхөсдөж эхэллээ.
Иймд ард иргэд, аж ахуйн нэгж болон олон нийтийн байгууллага, Монгол Улс дахь Олон улсын байгууллагуудад хандан малчин түмэндээ туслахыг уриалж байна.

Малчин удмын монголчууд бид “Тэнхлүүн явахад тэмээгээр тусалснаас тэвдэж явахад тэвнээр тусла” гэсэн ардын сайхан сургамжийг санан, цас зудын улмаас байгалийн хүнд нөхцөлд байгаа малчин түмэндээ цаг зуурын энэ хүнд бэрхшээлийг даван туулахад сэтгэл санааны болон эд материалын дэмжлэг өгч, тусламжийн гараа сунгах цаг болоод байна.
Монгол Улсын эдийн засгийн гол тулгуур болсон мал аж ахуй маань хүндрэл, бэрхшээлтэй байгаа нөхцөлд байгууллага, хамт олноос эхний санаачилга гарч байна. Тухайлбал Улсын клиникийн төв эмнэлгийн хамт олон цас зудтай байгаа малчин ард иргэддээ туслахаар нэг өдрийн цалингаа хандивлахаар шийдлээ.

Улсын Онцгой комиссоос Монгол Улс дахь гадаадын Олон улсын байгууллагад нөхцөл байдлын мэдээллийг хүргэж, хандаад байна. Цаашид малчин түмэндээ хандив, тусламж үзүүлэх иргэд, байгууллага, хамт олон улам нэмэгдэнэ гэдэгт итгэж байна.

Монголчууд бид ийм үед бие биедээ сэтгэл санааны болон эд материалын дэмжлэг үзүүлж, цаг зуурын хүндрэлийг даван туулахад нийт ард иргэд, төрийн болон төрийн бус байгууллага, аж ахуйн нэгж, хамт олон нэгдэн нягтарч, эх оронч санал, санаачилга гаргахыг уриалж байна.

Хандивын дансны дугаар : Хас банк. 38 дугаар салбар. 21000130

УЛСЫН ОНЦГОЙ КОМИСС

Мөн хандивын дансны талаарх “Хас” банкны мэдээлийг хавсарган хүргэв.

Remittance requisites/Шилжүүлгийн мэдээлэл

Requisites for USD transfers for the credit to account with XacBank, or for the collection from counters of XacBank:
ХасБанкин дахь данс руу, эсвэл ХасБанкаас бэлнээр авахад зориулан ам.доллар-оор шилжүүлэг хийхэд шилжүүлгийн маягтад бүрдүүлэх шаардлагатай мэдээлэл:

Account name : MALCHDYN HANDIVYN DANS

Branch number: 01 Account: 21000862

Beneficiary bank: XacBank, Mongolia

XacBank SWIFT code: CAXBMNUB

Intermediary Bank:

1. HSBC Bank USA N.A., New York
SWIFT: MRMDUS33
XacBank Account No. with HSBC: 000-144860

2. Deutsche Bank Trust Co. Americas, New York,
SWIFT: BKTR US 33
XacBank Account No. with Deutsche Bank Trust Co. Americas: 04-434-754

3. Kookmin bank, Seoul, Korea
SWIFT: CZNBKRSE
XacBank Account No. with Kookmin bank: 772-8-USD-01-3

5. Sumitomo Mitsui Banking Corporation, Tokyo
SWIFT: SMBCJPJT
XacBank Account No. with Sumitomo bank: 3625

6. National Bank of Canada, Montreal
SWIFT: BNDC CAM MINT
XacBank Account No. with National Bank of Canada: 102468 240 002 001 01

7. SBERBANK, Moscow, Russia
SWIFT: SABRRUMM
XacBank Account No. with SBERBANK: 30111840100000000536

8. AGRICULTURAL BANK OF CHINA INNER MONGOLIA BRANCH, ERLIANHOT SUB-BRANCH
SWIFT: ABOCCNBJ050
XacBank Account No with ABOC: 05710114040000978