Элчин сайд Ё.Отгонбаяр энэ сарын 4-ний өдөр Вашингтон ДиСи орчмын монгол иргэдийн  болон тэдний үүсгэн байгуулсан олон нийтийн байгууллагын төлөөлөлтэй уулзав.  Тэрээр монголын нийгэм, эдийн засаг, ЭСЯ-ны үйл ажиллагаа, цаашид хийх  ажлын  талаар мэдээлэл өгч, иргэдийн сонирхсон асуултад хариулж, хамтран ажиллах боломжийн талаар харилцан санал солилцов.

Энэ удаагийн уулзалтад Вашингтон ДиСи орчмын Монголчуудын холбоо, Арлингтон хот дахь Америкийн Монгол Эмэгтэйчүүдийн холбоо, Вашингтон ДиСи дэх Монгол сургууль, “Соёл” ТББ, “ЭмЭнЖи” Саммит ТББ, “Хамтдаа хайрлая” эхчүүдийн холбоо, “Юнайтед Монголиа” ТББ зэрэг олон нийтийн байгууллагын төлөөлөл оролцов.