ИРГЭДИЙН АНХААРАЛД
Шуурхай мэдээ: Улсын Онцгой комиссоос өгсөн чиглэлийн дагуу Эрүүл мэндийн яамнаас 2022 оны 3 дугаар сарын 13-ны өдөр гаргасан гадаад улсаас Монгол Улсад ирэх хүмүүст холбогдох зохицуулалтын талаарх шийдвэрийг танилцуулж байна.
• Монгол Улсад ирэх нийт зорчигчдоос коронавируст халдвар /Ковид-19/-ын ПСР шинжилгээ /Антиген болон түргэвчилсэн шинжилгээ/ шаардахгүй.
• Зорчигчдоос коронавируст халдвар /Ковид-19/-ын эсрэг вакцины бүрэн тунд хамрагдсан байхыг шаардахгүй.
• Зорчигчид хилийн шалган нэвтрүүлэх цэгт Эрүүл мэндийн асуумжийг үнэн зөв бөглөнө.
• Монгол Улсад ирсний дараа коронавируст халдвар /Ковид-19/-ын нэмэлт шинжилгээ авахгүй.
• Тусгаарлалт болон гэрийн ажиглалтад хамрагдах шаардлагагүй.
Дээрх зохицуулалт нь 2022 оны 3 дугаар сарын 14-ний өдрийн 00:00 цагаас хүчин төгөлдөр мөрдөгдөж эхэлсэн бөгөөд мэдээллийг Олон улсын иргэний нисэхийн байгууллагын мэдээллийн санд хүргүүлсэн болно.