Эмгэнэл илэрхийлэв
АНУ-ын Конгресс дэх Америк-Монголын бүлгийн хамтран даргалагч, Төлөөлөгчдийн танхимийн гишүүн агсан Дон Янг-тай салах ёс гүйцэтгэх хүндэтгэлийн ажиллагаа 2022 оны 3 дугаар сарын 29-ний өдөр Конгрессын ордонд боллоо. Уг ажиллагаанд Элчин сайд Ө.Батбаяр оролцож хүндэтгэл үзүүлэв.Ёслолын ажиллагаанд АНУ-ын Конгрессын Төлөөлөгчдийн танхимийн спикер Н.Пелоси, Бүгд Найрамдах намын бүлгийн дарга К.МакКарти, Аляска мужаас сонгогдсон Сенатч Д.Салливан, Л.Мурковски нар үг хэлж, талийгаачийн гэр бүл, хамт олон, найз нөхдөд эмгэнэл илэрхийлэв.