ЭЛЧИН САЙД Ө.БАТБАЯР АНУ-ЫН КОНГРЕСС ДАХЬ МОНГОЛЫН БҮЛГИЙН ХАМТРАН ДАРГАЛАГЧ Д.ТАЙТУСТАЙ УУЛЗАВ

Элчин сайд Ө.Батбаяр АНУ-ын Конгрессын Төлөөлөгчдийн танхимийн гишүүн, Конгресс дахь Монголын бүлгийн хамтран даргалагч Д.Тайтустай 2022 оны 4 дүгээр сарын 7-нд Конгрессын ордонд уулзав.

Уулзалтын үеэр талууд Стратегийн түншлэлийн түвшинд амжилттай хөгжиж буй Монгол-Америкийн харилцаанд Парламент хоорондын хамтын ажиллагаа чухал байр суурь эзэлдэгийг онцлов. Элчин сайд Ө.Батбаяр Монгол-Америкийн харилцаа, хамтын ажиллагааг хөгжүүлэх ойрын хугацааны тэргүүлэх зорилтуудыг танилцуулж, тэдгээрийг хэрэгжүүлэхэд Конгрессын зүгээс дэмжлэг үзүүлэхийг хүсэлт болгов.

Конгресс дахь Монголын бүлгийн хамтран даргалагч Д.Тайтусын зүгээс Монгол-Америкийн харилцаа, хамтын ажиллагааг улам бүр өргөжүүлэн хөгжүүлэхийн төлөө үргэлжлүүлэн хамтран ажиллахаа илэрхийлэв.

May be an image of 2 people, people standing and indoor
Print Friendly, PDF & Email

Like us

Follow us