АНУ-ын Тусгаар тогтнолын баярын өдрийг тохиолдуулан Монгол Улсын Гадаад харилцааны сайд Б.Батцэцэг АНУ-ын Төрийн нарийн бичгийн дарга Э.Блинкен-д баяр хүргэж, захидал илгээв.

Монгол Улс нь АНУ-ын Стратегийн түнш байдгаараа бахархдаг бөгөөд 2022 онд Монгол, Америкийн хооронд дипломат харилцаа тогтоосны 35 жилийн ой тохиож буйг Гадаад харилцааны сайд захидалдаа онцолж, АНУ-ын зүгээс КОВИД-19 өвчний эсрэг хүүхдийн Файзер вакцин КОВАКС хөтөлбөрийн хүрээнд хандивласанд гүн талархал илэрхийлэв.