МОНГОЛЫН СПОРТЫН ГИМНАСТИКИЙН ХОЛБООНЫ ТАМИРЧИД “EXCALIBUR CUP” ОЛОН УЛСЫН ТЭМЦЭЭНД АМЖИЛТТАЙ ОРОЛЦОВ.
МОНГОЛЫН СПОРТЫН ГИМНАСТИКИЙН ХОЛБООНЫ ТАМИРЧИД
“EXCALIBUR CUP” ОЛОН УЛСЫН ТЭМЦЭЭНД АМЖИЛТТАЙ ОРОЛЦОВ.
“Монголын спортын гимнастикийн холбоо”-ны тамирчид энэ оны 2 дугаар сарын 16-18-ны өдөр АНУ-ын Виржини мужид болсон “Excalibur Cup” гимнастикийн олон улсын тэмцээнд амжилттай оролцож, 5 алт, 1 мөнгө, 8 хүрэл медалиар энгэрээ мялааж, нийлбэр дүнгээр алтан медаль хүртэв. Уг тэмцээнд 10 гаруй орон, АНУ-ын 25 мужийн 3000 орчим тамирчин оролцжээ. Түр хамаарагч Б.Болд бяцхан тамирчдыг ЭСЯ дээр хүлээн авч, баяр хүргэж, амжилт хүсэв.
Спортын мастер Гочоохүү овогтой Энх-Амгалан, спортын мастер Баярт овогтой Энхмаа дасгалжуулагчтай манай улсын баг гимнастикийн харайлт, чөлөөт хөдөлгөөн, дамжуурга, савлуур гэсэн 4 хэрэгсэлд 2-6 дугаар зэргийн ангилалд өрсөлджээ.
Тамирчдын амжилтаас дурдвал:
Тамирчдын нэрс | Зэргийн ангилал | Гаргасан амжилт |
Алтаншагай овогтой Мишээл (8 настай) | 2 | 4 алт, 1 мөнгө |
Анхбаяр овогтой Энххүслэн (8 настай) | 3 | 1 алт, 2 хүрэл |
Баярбаатар овогтой Сарангоо (10 настай) | 4 | 2 хүрэл |
Амартөгөлдөр овогтой Мөнх-Ундрал (10 настай) | 4 | 1 хүрэл |
Баасандулам овогтой Халиун (10 настай) | 5 | 2 хүрэл |
Содномцэрэн овогтой Намуунжаргал (10 настай) | 6 | 1 хүрэл |
Эдгээр тамирчдад дэмжлэг, туслалцаа үзүүлсэн АНУ-д ажиллаж, амьдарч буй иргэн Д.Саранням, түүний гэргий Э.Хулан нарт талархал илэрхийлье.
ЭЛЧИН САЙДЫН ЯАМ