Гадаад паспорт шинээр авах

passport sampleАНУ-д байнга оршин суугаа Монгол Улсын иргэн гадаад паспортаа ямар нэг шалтгаанаар алдаж үрэгдүүлэх, гэмтээх, паспортын хуудас дуусах, хүчинтэй хугацаа дуусах, дахин сунгах боломжгүй болох түүнчлэн 2002 оны 11 сараас өмнө олгогдсон буюу хуучин гадаад паспорттой  тохиолдолд “Е” серийн үндэсний гадаад паспорт шинээр авна.

Бүрдүүлэх материал:

1. Гадаад паспорт шинээр авах мэдүүлгийн маягт бөглөх, Маягт татаж авах;

2. Гадаад паспорт авах тухай ЭСЯ-нд хандаж бичсэн хувийн өргөдөл /Холбоо барих хаяг, утасны дугаараа бичсэн байх шаардлагатай/;

3. Иргэний цахим үнэмлэхний хуулбар /Хэрэв цахим үнэмлэхний хүчинтэй хугацаа дууссан бол 25, 45 насны иргэний шинэчилсэн бүртгэл хийлгэх шаардлагатай/;

4. Хэрэв:
– 0-16 хүртэлх насны хүүхдэд гадаад паспорт захиалах бол эцэг, эх буюу асран хамгаалагч, харгалзан дэмжигчийн иргэний үнэмлэх эсвэл гадаад паспортын хуулбар;
– Гадаад паспортаа үрэгдүүлсэн бол цагдаагийн газрын тодорхойлолт;
– Дахин сунгалт хийх боломжгүй болсон, хуудас дууссан, гэмтсэн тохиолдолд тухайн паспортын хуулбар;

5. Сүүлийн 6 сарын дотор авахуулсан 35 х 45 мм хэмжээтэй 4 хувь цээж зураг /Цагаан фонтой, хар болон туяатай нүдний шилгүй, нүүрний өндөр 32-36 мм-ийн хэмжээтэй нийт зургийн 90%-ийг эзэлсэн, эгц харсан, дух, чихний хэсэг ил гарсан байх, мөн зурагнаас татаагүй, компьютерээр засварлаагүй байх/;

6. Паспортын төлбөр – 65 ам.доллар/Money order эсхүл бэлэн мөнгө/;

7. Биеэр ирэх боломжгүй тохиолдолд төлбөрийг хийж хаягласан баталгаат буцах дугтуйгаар бичиг баримтаа илгээх;

Шуудангаар бичиг баримт илгээх заавар

Анхаарах:

  1. Хуучин паспорт алга болсон тохиолдолд шинэ паспорт дээр АНУ-ын виз шилжиж тавигдахгvй бөгөөд, паспорт өөрчлөгдсөнтэй холбогдон визийн ямар нэг зөрчил байсан бол тэр нь хамт алга болохгvй гэдгийг анхаарах нь зvйтэй. Алдагдсан буюу гэмтсэн паспорт олон улсад хүчингvй болж зарлагдах учир дахин ашиглах боломжгүй.
  2. Буцах дугтуйн дээрх хаяг зөрөх, тухайн хаяг дээрээ байхгүй байх, өөр муж, хот руу шилжих, нүүх тохиолдол гардаг. Иймд паспорт захиалгын мэдүүлэгтээ АНУ дахь оршин суугаа байнгын хаяг болон утасны дугаарыг үнэн зөвөөр бичих нь зүйтэй.
  3. Шинээр паспорт захиалахад 3 сар хvртэл хугацаа шаардагдана. Иргэд гадаад паспортоо 3-с дээш хугацаагаар хүлээх нь мэдүүлгийн маягтаа буруу, дутуу бөглөх, регистрийн дугаарыг ташаа бичих, түүнчлэн шаардлагатай тохиолдолд холбоо барих хүний хаяг, утасны дугаарыг бичээгүй тохиолдлоос үүддэг.
  4. Хэрэв ЭСЯ-аар дамжуулахгүйгээр УБЕГ-т гадаад паспорт захиалан хувь хүнээр авчруулах нь тухайн хүнийг АНУ-ын хил дээр саатуулах, хил нэвтрүүлэхгүй буцаах үндэслэл болохыг анхаарна уу.

АНУ-д зорчих

  • АНУ-д түр хугацаагаар зорчихоор төлөвлөж буй иргэдэд дараах зөвлөмжийг хүргэж байна. Зөвлөмж унших
  • АНУ-д оршин сууж буй болон түр хугацаагаар зорчиж буй иргэн цагаачлал, хил гааль, цагдаагийн байгууллагад саатуулагдсан тохиолдолд ЭСЯ-тайгаа холбогдож “Consular Access” буюу консулын туслалцаа авах эрхтэй.
  • Хөдөө аж ахуйн гаралтай хүнсний бүтээгдэхүүнийг АНУ-ын хилээр нэвтрүүлэхэд анхаарах зүйлс. Дэлгэрэнгүй
  • Гадны жуулчин АНУ-ын Конгрессийн ордонд зочлохоор бол интернэтээр урьдчилан захиалга өгдөг. Захиалга өгөх 

Like us

Follow us

ASEM11/Ulaanbaatar

asemlogoo